Asociación PonteLabs

LogoTipo Asociación PonteLabs

  Asociación PonteLabs

Somos unha asociación maker de tecnoloxías libres radicada en Pontevedra.
Dentro do movemento maker desenvolvemos proxectos baseados en software e hardware de Fonte Aberta (Open Source).
Eliximos este tipo de proxectos por que combinan varias disciplinas: a robótica, a informática e a electrónica.
Dado o seu carácter multidisciplinar ofrece unha grande liberdade e moitas posibilidades para abordar os diferentes proxectos que doutro xeito sería imposible.

Outra das vantaxes que presenta o uso de Fonte Aberta é a  propia dispoñibilidade do código, xa que ao ser de uso libre non se debe pagar unha licencia por utilizalas e continuamente se melloran e corrixen.
Outro motivo é que a nivel económico é bastante asequible, o que permite iniciarse neste mundiño cunha inversión bastante reducida e, ademáis, non requiren uns coñecementos elevados, aínda que si básicos.

Finalmente a propia filosofía maker promove o uso das tecnoloxías libres e fomenta o traballo colaborativo e en comunidade, que é como nós o preferimos  ;-), pero cada quen e libre de facelo como lle pareza ¡para iso son tecnoloxías libres!
Isto permítenos aprender unos de otros e ir progresando tanto nos nosos proxectos como nos proxectos en común, o que nos irá animando a buscar novos proxectos máis complexos.

Pouco a pouco iremos completando a páxina con más información do grupo e dos nosos proxectos.

Por onde comezo?

CONTACTO

Intentamos abrir todos os sábados pola tarde de 17:00 a 20:30.  Consultade a páxina de Contacto para ter máis información.

Tod@s @s que querades participar e teñades gañas de aprender e de axudar aos demáis seredes benvid@s.

Podedes contactarnos a través de info@pontelabs.org e no Twitter en @PonteLabs.
Tamén temos un Grupo Aberto de TeleGram ao que vos podedes unir sen compromiso:
https://t.me/joinchat/ARRlwkCOXDlFbDSvNvay2g

Trataremos de responder o antes posible.

¡Saúdos!